'सत्ता बदलल्याने परिस्थिती बदलत नाही!' आंदोलनांमागे राजकीय स्वार्थ आणि परकीय षड्यंत्र; संघाच्या १०१ व्या विजयादशमी मेळाव्यात सरसंघचालक मोहन भागवत यांचा घणाघात

देशांतर्गत व्यवस्थेविरुद्ध द्वेष पसरवणारी आंदोलने ही राजकीय स्वार्थाचे हत्यार बनत असून भारताची प्रगती रोखण्यासाठी पश्चिमेकडून षड्यंत्रांचे वादळ उभे केले जात असल्याचा थेट इशारा राष्ट्रीय स्वयंसेवक संघाचे सरसंघचालक मोहन भागवत यांनी दिला आहे. केवळ सत्ता बदलल्याने देशाची परिस्थिती बदलत नाही हा दावा खोडून काढत, त्यांनी संविधानातील भावनिक ऐक्य आणि स्वतंत्र राष्ट्रीय अस्मिता जपत अशा विभाजनवादी प्रवृत्तींना हाणून पाडण्याचे आवाहन केले आहे.