जगाला नवी दिशा हवी असताना इथे देश विस्कळीत करण्याचे स्वप्न!'; राहुल गांधी 'फेल्ड प्रॉडक्ट', गांधी घराणे काँग्रेसवर ओझे: पंतप्रधान नरेंद्र मोदींचा थेट घणाघात

जागतिक पातळीवर अस्थिरतेचे वातावरण असताना आणि जग एका नव्या व्यवस्थेच्या शोधात असताना, देशात मात्र अस्वस्थता निर्माण करून भारताची प्रतिमा मलिन करण्याचे कारस्थान रचले जात असल्याचा घणाघाती आरोप पंतप्रधान नरेंद्र मोदी यांनी केला आहे. एका 'अपयशी नेत्याला' वारंवार लाँच करण्याच्या हट्टापायी काँग्रेसने स्वतःच्या ज्येष्ठ नेत्यांसह विरोधी पक्षातील नव्या नेतृत्वाचाही आवाज दाबला असून, काँग्रेसवर सध्या 'दिमागी नक्षलवाद्यां'चा ताबा असल्याचा थेट हल्लाबोल पंतप्रधानांनी केला.